Assalomu alaykum!

      Ushbu sahifa Namangan Davlat universiteti tarix fakulteti tarkibidagi Ijtimoiy - madaniy faoliyat bakalavriyat ta'lim yo`nalishi talabalari va professor o`qituvchilarining ilmiy-ijodiy, ijtimoiy-madaniy va ma'rifiy faoliyati bilan  tanishtiradi.Talabalarning o`quv jarayonidagi nazariy va amaliy tayyorgarlik imkon qadar aks ettirilgan. Bundan tashqari professor - o`qituvchilar haqida ma'lumotlar, ularning ilmiy ishlari, talabalarning ijodiy ishlari aks ettirilgan.

Prezidentimiz I.A.Karimov  “Xalqning ma`naviy ruhini mustahkamlash va rivojlantirish - O`zbekistonda Davlat va jamiyatning eng muhim vazifasidir” deb, ta`kidlagan edi.

Abdulla Qodiriy nomidagi Toshkent davlat madaniyat instituti jamoasi ushbu masalani birinchilardan bo`lib hal qilishga kirishdilar. 2001 yilda esa Namangan davlat universitetida ham  “Ijtimoiy madaniy faoliyat” ta`lim yo`nalishi tashkil etildi. Ushbu soha bitiruvchilarining ish joylari:

- Madaniyat saroylari;

- Ma`naviyat va ma`rifat markazlari;

- Madaniyat va istirohatt boғlari;

- Axborot-resurs markazlari;

- Muzeylar.

Ho`sh ushbu yo`nalish nima uchun ijtimoiy-madaniy faoliyat deb ataldi?

Kundalik ijtimoiy hayotning turli jabhalariga talluqli bo`lgan madaniy dam olishni tashkil qilish, ma`naviyat va ma`rifat ishlarini yuritish, madaniyat sotsiologiyasi, marketing va menejerlik, madaniyat muasasalarida tadbirkorlik sohalarida xizmat qiluvchi kadrlarni tayyorlaydigan yo`nalish bo`lganligi bois, shunday deb nom berilgan.

Ijtimoiy-madaniy faoliyat yo`nalishi aniq maqsad sari kadrlar tayyorlash yo`lini tanladi. Keng xalq ommasi ichiga kirib boruvchi bo`lajak mutaxassislar buning uchun qanday fanlarni o`zlashtirishlari zarur bo`ladi? Ijtimoiy-gumanitar fanlardan tashqari, inson tafakkurini chuqurroq o`rganish maqsadida “Pedagogika”, “Psixologiya” fanlarini, ma`naviyat negizlarini o`rganish uchun – “Ma`naviyat asoslari”, “Madaniyatshunoslik”, “Madaniy-ma`rifiy faoliyat asoslari” fanlarini xalq ijodiyotini o`rganish uchun – “Xalq ijodi va an`analari”, “Etnomadaniyat”, “Qadriyatshunoslik” va “San`at tarixi”, badiiy so`z va so`z san`ati qirralarini o`rganish maqsadida “Notiqlik san`ati” fani, madaniy-ma`rifiy muassasalarda kechalar va turli tadbirlar tashkil qilish, vka ularning dramaturgiyasini izchil o`rganish maqsadida – madaniy – ma`rifiy muassasalarda “Dramaturgiya va rejussura”, “Stsenariy mahorati”, “Boshlovchilik mahorati”, respublikamizdagi madaniyat va istirohat boғlarining nazariyasi va uslubiyotini  o`rganish maqsadida - “Parkshunoslik”  fani, madaniyat muassasalari shakl va usullari, ish olib borish uslubiyotini o`rganish maqsadida – “Klubshunoslik” fani, Jamoatchilik fikrini o`rganish maqsadida “Sotsiologiya”, “Milliy mentalitet sotsiologiyasi”, “Madaniyat va bo`sh vaqt sotsiologiyasi”, “Ijodiy faoliyat sotsiologiyasi”, madaniyat muassasalarida boshqaruv va iqtisodni o`rganish uchun “Madaniyatda menejment va iqtisod asoslari”, “Tadbirkorlik asoslari” fanlarini; xalq omasining madaniy dam olishini tashkil qilishni o`rganish maqsadida “Xordiqshunoslik”, “Madaniy – xordiqiy tadbirlarni badiiy bezash”, “Muzeyshunoslik”, “Ekskursiya va sayohat” kabi maxsus fanlar o`rganiladi.

Yo`nalish bo`yicha qabul qilingan talabalar birinchi kursdan keyin madaniy dam olish tashkilotchisi, ma`naviyat va ma`rifat tarғibotchisi, madaniy – ma`rifiy soha sotsiologi, madaniy – ma`rifiy sohalar menejerlari ixtisosligiga ega bo`ladilar.